ჩემი ბედნიერი კვირა

ამ კვირის მანძილზე part time job მაქვს, ფლაერებს ვარიგებ მომხმარებელთა უფლებებზე და უკანონო ემულგატორებზე და მსგავს ბელიბერდაზე, რაზეც სხვადასხვა ფონდები იღებენ გრანტებს, ა ლია “სამოქალაქო ცნობიერების აწევისათვის”.

მომიწია სამგორის მეტროსთან დგომა. მაგარია. არაა მაგარი იმ მხრივ, რომ რუსთაველზე, დელისზე, მარჯანიშვილზე – ყველა რაღაცას არიგებს და ხალხმა იცის, რა არის ფლაერი, აი სამგორში… ოოო.
ყოველ დილით ვცდილობ, რომ კარგად არ გამოვიყურებოდე და ვიყო მაქსიმალურად ნაცრისფერი – უკან ვიკრავ თმებს, ვიკეთებ სათვალეებს, ვიცვამ ჯინსს და ბალახონ t-shirt-ს იმ ორგანიზაციის ლოგოთი, ვინც დაბეჭდა ეს ბედნიერებები, რომლებიც მძიმე სათრევია.
ეს ყველაფერი იმიტომ, რომ ზედმეტად არ ავიკიდო სამგორის სწრაფად აკიდებადი საზოგადოება. [კონკრეტულად სამგორის არა, ზოგადად, გარეუბნების სენი უფროა ეს].

პრინციპში, წარმატებით – 3 დღის მანძილზე არავინ ამკიდებია, გარდა ერთი ტიპისა, რომელსაც სახელის თქმის შემდეგ – ქმარი მყავს შენდა სამწუხაროდ-თქო მივახალე, ტიპი ცოტა დაიბნა, მაგრამ надо отдать должное – არ დაიხია უკან და მაინც შემომთავაზა დახმარება :D

საქმე ადვილია და დამღლელი, ადვილია იმიტომ,რომ მალე რიგდება, დამღლელია იმიტომ, რომ იდიოტივით 32კბილგადმოგდებული უნდა იდგე და კიდევ 5-დან ერთს უნდა უხსნა, “ეს რაია”.

თითქმის სულ ისმის – “ამის დარიგებას ფულები დაგვირიგონ!”
ერთი რა მაინტერესებს, ამ ხალხს მართლა სჯერა, რომ ოდესმე ვინმე ფულს დაურიგებს?
[მე ისევ იდიოტივით გაღიმებული ვპასუხობ, რომ დიდი სიამოვნებით დავარიგებდი ამ ბროშურების მაგივრად ფულს, მაგრამ სადაა! :D ]

პ.ს: დიეტაზე ვარ. ნუ ისეთზე რა, ლაითზე, პურეულის გარეშე. ხოდა დედაჩემი, რომელიც მუდამ მიმტკიცებს, რომ მსუქანი ვარ და უნდა გავხდე, სამჯერ ეცადა დავეპატიჟე თავისთან “გემრიელ ტორტზე”. ოოოოჰ :D

Updated: დამავიწყდა დამეწერა. სასჯელი მეწვია. მეზღვება ყველაფრისთვის – ყველა ცუდი ფიქრისთვის, ყველა ცუდი საქციელისთვის, ყველა ნათქვამი უზრდელური სიტყვისთვის, ყველა ქორწინებამდე მიღწეული ორგაზმისთვის. სასჯელის სახე: კბილები მტკივა ორი დღეა. ყველა! საჭმელს ენით ვღეჭავ oO