თავის დროზე ძალიან გამახალისა. თუმცა ხანდახან ბლოგებზე (მათ შორის, ჩემს ბლოგზე) დაწერილ ზოგ კომენტარს რომ ვკითხულობ… ძალიან, ძალიან ბევრს უნდა ჰქონდეს ეს ფობია.

* * *

მაშ ასე, 5 000-ე კომენტარი ამ ბლოგზე ეკუთვნოდა თინის!
კომენტარი გაკეთდა ნი2 ნიუსის წარსადგენ პოსტში. [ლინკი ამბობს, რომ ხუთი ათას სამას მერაღაცე კომენტიაო, მაგრამ ეგ სპამს და წაშლილებსაც ითვლის, ამის გამო - ზუსტი არ არის.]

რადგან იგი სულ ახლახანს გადავიდა .გე დომენზე, გადავწყვიტე, რომ ყველაზე კარგი საჩუქარი Tiny.ge-ს “გარევა” იქნებოდა საქმეში.

ლილიანის დახმარებით შევადგინე ჭიქაზე დასაბეჭდი სურათები, მერე ორი დღე ვეძიე ადგილი, სადაც ერთ ცალ ჭიქას გამიკეთებდნენ და ბოლოს ვიპოვე რუსთაველზე ფოსტის წინ რაღაც ადგილი [რომელსაც, პრინციპში, არ გირჩევთ, იმიტომ, რომ საკმაოდ უხარისხო გამოვიდა, სურათებზე ალბათ ფლეშის გამო არ ჩანს, მაგრამ..].

ხო, საჩუქრის ეფექტის გასაძლიერებლად გადავწყვიტე მასთან სახლში ასვლა – ჯამში კორპუსის ძიებაში რამდენიმე კვარტალი ვიარე ფეხით. მე-9 თვეში, სრულიად უცხო უბნის ჯურღმულებში – კიბორგას ხუჭუჭა თმები გაუსწორდა შეძრწუნებისგან, სახლში რომ მოვედი და ჩემი დღის შესახებ მოვუყევი.

[ამ ყველაფრის შესახებ თინიმაც დაწერა და ჩემი დაღლილი და სახეაღრეული სურათებიც დადო.]

ჰო, უკვე მოფიქრებული მაქვს, რა საჩუქარს მიიღებს ჩემი მე-10 000 კომენტატორი!

* * *

ამწამს კიბორგა თამაშობს თავის საყვარელ ილ-2-ს (ფრენის სიმულაცია რომაა), თან მაგარი გათიშულია, რადგან ღამის პირველი ხდება და ამ დროს მისი ტვინი უკვე საერთოდ აღარ ფუნქციონირებს, ავტოპილოტზეა.

ერთ-ერთი გუნდელი, რომელიც სკაიპში უზის და ერთმანეთს ესაუბრებიან, რატომღაც ეკითხება, რა ჰქვია შენს ცოლსო.

კიბორგა პასუხობს: “Её зовут Доди. Как жену Кеннеди… Я почти Кеннеди!”

…You can call me Jacqueline…

2. ჩემი სიამაყე – ქართული ცრუმედია ნი2 ნიუსი ამ დღეებში უფრო სოლიდური გახდება – დავარეგისტრირე დომენი ni2news.ge და მალე მიებმება. აქაც თქმა არ უნდა იმას, თუ რაოდენ კარგი გოგო ვარ.

3. ბევრი ყოყმანის შემდეგ გადავწყვიტე, რომ საუკეთესო გამოსავალი ჩემთვის dodka.ge-ს დარეგისტრირება და აქაურობაზე მიბმა იქნებოდა (რადგან საკმაოდ ზარმაცი ვარ იმისთვის, რომ ცალკე ჰოსტზე ვაკეთო, ცალკე დიზაინები და ფლაგინები ვეძებო და ვაინსტალირო და საერთოდ, მშობლიური ვორდპრესის ძალიან საყვარელ და გამოსადეგ შიდა სამზარეულოს მოვწყდე).

ასე რომ რამდენიმე დღეში აქაურობის წვდომა შესაძლებელი იქნება პირდაპირ dodka.ge-ს აკრეფითაც. რასაც, რა თქმა უნდა, დიდი დოლ-გარმონის თანმხლები პოსტით გამცნობთ. აქ უკვე აშკარად ჩანს, რა ძალიან კარგი გოგო ვარ.

და ბოლოს! თუ კიდევ დარჩა ადამიანი, ვისაც ჩემს კარგგოგოობაში ეჭვი ეპარება:

ერთ-ერთი წინა პოსტისათვის გაკეთებული ერთი კომენტარი ჩემი ბლოგისთვის 5 000-ე აღმოჩნდა! ოდესღაც მქონდა იდეა, რომ მე-1000 კომენტატორისთვის რაიმე მეჩუქებინა, მაგრამ დამავიწყდა და მერე დამეზარა კიდეც.

ამჯერად კი არც დამეზარა, საჩუქარიც მოვიფიქრე, გავაკეთე კიდეც და ხვალ მიიღებს ის ადამიანი მისთვის მოულოდნელად პატარა რაღაცას (რის შესახებაც ასევე დოლ-გარმონითა და ზარ-ზეიმით დავპოსტავ, რა თქმა უნდა).

P.S.: სამწუხაროდ, პოსტში ვერსად ჩავაკვეტე და მიწევს პ.ს-ში მიწერა იმისა,  რომ უამრავს დავდივარ ფეხით. ჰო, კიდევ – საჭმელს ვაკეთებ სამი დღეა ზედიზედ!

პოსტი არ არის განკუთვნილი მათთვის, ვისთვისაც ბლოგი უბრალოდ ვორდის ონლაინ-ვერსიაა და ვინც არ არის დაინტერესებული მკითხველის რაოდენობის გაზრდით.

რა არის ნებისმიერი ბლოგერის სტიმული?

მკითხველები და მათთან ურთიერთობა.

რა სჭირდება ქართველ ბლოგერს?

მეტი სტიმული – მეტი მკითხველები!

ქვემოთ გთავაზობთ ჩემ მიერ აპრობირებულ (ეუფ!) რამდენიმე მარტივ მეთოდს, თუ როგორ გამოვჩეკოთ მეტი მკითხველი ჩვენი ბლოგისთვის.

1. ქართული მთვლელი/კატალოგები

არსებობს რამდენიმე ქართული მთვლელი, top.ge, interes.ge და ა.შ. პირადად ჩემი რეკომენდაციაა Top.ge-ზე გაწევრიანება და მისი მთვლელის დადება ბლოგზე.

რატომ?

Top.ge ქართულ საიტებს შორის ერთ-ერთი ყველაზე პოპულარულია, ის წარმოადგენს ქართული საიტების ყველაზე სრულ კატალოგს. სტატისტიკას ჩავხედე და ბოლო 30 დღის მანძილზე 4 000-ზე მეტი კლიკია გაკეთებული ტოპ.გე-დან აქ.

აქვე გასათვალისწინებელია რამდენიმე ფაქტორი – კატეგორია, სადაც სვამთ ბლოგს. ძირითადად ბლოგერები შეყუჟულნი ვიყავით კატეგორიაში “Personal pages”, რადგან ბლოგების კატეგორია ცალკე არ არის. თუმცა ზოგი ბლოგერი შინაარსის მიხედვით უსადაგებს კატეგორიას -მაგალითად, კარაგანდა – ლოგიკურია, რომ ხელოვნების განყოფილებაში აქვს ბლოგი.

პირადად მე რამდენიმე დღის წინ გადავწყვიტე შემეცვალა კატეგორია, დიდხანს ვიფიქრე – “ინტერნეტი” ამერჩია, “ონლაინ ნაგავი” თუ “News, Television, Media, Newspapers” და ბოლოს ამ უკანასკნელზე შევჩერდი [ბლოგინგი ახალი მედიაა, ნიუსის ცნებაც საკმაოდ წელვადია]. კლიკების რაოდენობამ, რა თქმა უნდა, იკლო, რადგან “პირად გვერდებში” პირველი ადგილიდან უფრო მეტი ხალხი გადმოდის, ვიდრე “მედიის” მეორე გვერდიდან, თუმცა ჩემთვის ასე უფრო საინტერესოა ამ ეტაპზე.

2. იმეილი

იმეილს აქვს “ხელმოწერის” ადგილის ფუნქცია, სადაც ხშირ შემთხვევაში ჩვენი სახელი, გვარი, ტელეფონი და საკონტაქტო ინფორმაცია გვიწერია.

ურიგო არ იქნება, თუ აქვე მივაწერთ ჩვენი ბლოგის მისამართს. თუმცა აქ რამდენიმე ნიუანსია:

არიან ბლოგერები და ბლოგები, მაგალითად სოფი, თაზო – რომელთაც სავალდებულოდაც კი გავუხდიდი სიგნატურაში ბლოგის მისამართის ჩაწერას, იმიტომ, რომ მათი პროფესიიდან გამომდინარე – ბლოგი საუკეთესო სივი/პორტფოლიოა.

თუმცა ცოტა არაადეკვატური იქნება პირადი ბლოგის მისამართის ჩასმა იმეილზე, რომელსაც სამსახურეობრივი დანიშნულებით იყენებთ. ამ შემთხვევაში, თუ ორი მეილი გაქვთ – სამსახურის და “სერიოზული” და შედარებით პირადი – თამამად მიაწერეთ ბლოგი პირადის სიგნატურაში.

3. ფორუმები

ქართულმა ინტერნეტ-საზოგადოებამ აიდგა ფეხი მირკში, გადავიდა ფორუმებზე და ახლა აქტიურად იყენებს სოციალურ ქსელებს.

ალბათ ბევრი ჩვენგანია გაწევრიანებული ამა თუ იმ ფორუმზე. მიუთითეთ პროფილში [და სიგნატურაში] თქვენი ბლოგის მისამართი – ადამიანი, რომელსაც დააინტერესებს თქვენი ვინაობა და შეიჭყიტავს – გადმოვა თქვენს ბლოგზეც და შეიძლება ერთგულ მკითხველადაც დარჩეს [forum.ge-დან ბოლო 30 დღის მანძილზე დაახლოებით 500 კლიკია გაკეთებული].

[ბლოგერების თემა ფორუმ.გე-ზედ.]

4. სოციალური ქსელები, ტვიტერი და ძმანი მისნი

Facebook, odnoklassniki, myspace, face.ge და ა.შ. – თუ ხართ სადმე გაწევრიანებული, მიუთითეთ პროფილში თქვენი ბლოგის ლინკი.

ფეისბუქზე და ტვიტერზე არის საშუალება ახალი პოსტის დაანონსებისაც – მიუხედავად იმისა, რომ გუგლ რიდერშიც მყავს – ბევრ ბლოგებზე გადავდივარ ფეისბუქის ანონსიდან.

ფეისბუქზე არის ჯგუფი – “ქართველი ბლოგერები”, შემოგვიერთდით: – http://www.facebook.com/group.php?gid=87421438898

5. ის, რასაც გადააკოპირებენ

ინტერნეტი მაინც ინტერნეტია და ვერ ვაკონტროლებთ ჩვენ მიერ გაშვებული ინფორმაცია სად და როგორ მოხვდება, აქტიურად ვერ დავიცავთ ტექსტზე საკუთარ უფლებებს და ა.შ.

თუმცა არის შემთხვევები, როდესაც სხვის მიერ ჩვენი კონტენტის კოპირებამ შეიძლება პირიქით – ჩვენზე იმუშაოს.

თაზომ თავის ბლოგზე რამდენჯერმე გააშუქა მიმდინარე მიტინგები და აქციები, დადო თავისი აგდაღებული ბევრი საინტერესო სურათი – და სურათებს მიაწერა თავისი ბლოგის მისამართი.

სურათები იმის შემდეგ რამდენჯერმე შემხვდა ფორუმზე -  უამრავმა ადამიანმა უნებლიეთ “წაიკითხა” თაზოს ბლოგის მისამართი.

6. კომენტარები

ბლოგინგი არ არის მხოლოდ პოსტების წერა და მერე წყნარად ჯდომა – სანამ ვინმე დოდკა სრულიად შემთხვევით არ გიპოვის და არ დაწერს შენი ბლოგის შესახებ.

ბლოგებს ბლოგერები კითხულობენ – ამიტომ იმისათვის, რომ მკითხველი მოიპოვო, შენც უნდა იყო სხვისი მკითხველი.

ბლოგერი, ვისთანაც კარგ, შინაარსიან კომენტარს ტოვებთ – 100%-იან გარანტიას გაძლევთ, რომ აუცილებლად გადმოვა და შეამოწმებს თქვენს ბლოგს. თუ მოეწონა, რაც დახვდება – გაგლინკავთ, ურჩევს სხვებს და თავადვე გახდება თქვენი მკითხველი.

წაიკითხეთ უფრო მეტი  კომენტარების შესახებ.

ბონუსი I

იხილეთ ყვავასა და პიკოს ახალი ვიდეოპოსტი “ქართული ბლოგების” თემაზე, ამ სერიების ერთგვარი გაგრძელება, რომელიც არ შემეძლო, არ აღმენიშნა.

ბონუსი II

შაბათს, 2 მაისს, 5 საათზე ბლოგერები ვიკრიბებით შარაგულში (ალ. ყაზბეგის №42). ვისაც გსურთ – შეგიძლიათ შემოგვიერთდეთ ხინკლის ნთქმაში და ხინკალსა და ხინკალს შორის – ბლოგინგის შესახებ საუბრებში.

იმის გამო, რომ ბევრი ახალი ბლოგერი გვყავს ბლოგოსფეროში კარგი იქნება შიგადაშიგ ძველებმა გამოცდილება გავუზიაროთსავით დამწყებებს.

მე დავიწყებ, მთელ კატეგორიას ვქმნი ახალს თან – Tips for blogs. ვერ ვიტყვი, რომ ყველა იმ რჩევას, რის დაწერასაც ამ კატეგორიაში ვაპირებ – მე თვითონ ვიყენებ, მაგრამ ბევრი მაქვს ამაზე ნაფიქრი, ზოგი გამოცდილი, ზოგი – სხვების ბლოგებზე ნანახი და ა.შ.

და კიდევ ერთი შენიშვნა – ყველაფერი, რასაც აქ ვწერ, არის ჩემი პირადი, პირადი, პირადი, უკიდურესად სუბიექტური აზრი. : )

სხვების ბლოგებზე კომენტარების კეთება საკუთარი ბლოგის პოპულარიზაციის ერთ-ერთი წარმატებული ხერხია. თუმცა ამასაც ჭკვა და მოხერხება უნდა )) ზოგი პირიქით, ანტირეკლამას იკეთებს. აქ ჩამოვწერე რაც გამახსენდა, ჰინთები კომენტარების დამტოვებელთა და მიმღებთათვის : )))

კომენტატორები

• საინტერესო, კარგი კომენტარი, რომელიც აფასებს პოსტში აღწერილ მოვლენას, ან აღწერს საკუთარ გამოცდილებას იმ საკითხთან დაკავშირებით, მოკლედ, რომელიც საინტერესოს ხდის საერთოდ კომენტარების გაშლას და წაკითხვას – გამოიწვევს უფრო მეტ კლიკს თქვენს საიტზე, ვიდრე “აუ აქაც შემოდით რააა ბლაბლა.ბლოგსპოტ.ცოოოომ!”
• “ხოოოო…”-ს, “აჰაააა”-ს და მსგავსების დაკომენტება ჰგავს არა საკითხით/ბლოგით/კონკრეტული პოსტით დაინტერესებას, არამედ უბრალოდ “სტუკა-სტუკა, აქ ვიყავი”-ს. ჩემი აზრით, თუ თემაზე/პოსტზე სათქმელი არაფერი გაქვს, სჯობს არც დაწერო კომენტარი.
• ძალიან გამაღიზიანებელია სარეკლამო (სპამ) კომენტარები. თქვენი ბლოგის/საიტის ლინკი ისედაც მიწვდომადია, თქვენს ნიკზე დაკლიკვით იქ გადადიან, ვისაც დააინტერესებს, ისედაც შევა. ამიტომ დამატებით: “ჩემთან შემოდით!”, “ახლა კი რეკლამაააა”, “ნახეთ ჩემი ახალი ბლოგი!” – საქზ.
• გამონაკლისია შემთხვევა, როდესაც შენს ბლოგზე გაქვს მსგავს თემაზე პოსტი და გინდა გაუზიარო შენი დამოკიდებულება – ამ შემთხვევაში ეს სპამად და რეკლამად არ აღიქმება.
• კომენტარებში ოფტოპიკი წიპა: “აუ ნინიკოოოო, აქაც შენ ხაარ! უიმე გოგო დათუჩა როგორ არიიის” - მითუმეტეს, როცა ეს არც ნინიკოს ბლოგია და არც დათუჩასი, საქზ2.

ბლოგის ავტორები

• ისე, როგორც კომენტარის გამკეთებლები სცოდავენ, არც ბლოგის ავტორები აკლებენ ხოლმე. კომენტარების “მოთხოვნა” არანაკლები მარაზმია. “აბა ველოდები თქვენს აზრეეეეეეეეებს”, მერე პოსტი სახელად: “აუ რატომ არავინ მიტოვებს კომენტარებს. არავის ვუყვარვარ : (“, და ა.შ. [ეს ყველაფერი ქართულ ბლოგოსფეროში რამდენჯერმე შემხვედრია]. ასე გამოთხოვნილი კომენტარებს რა ფასი აქვს?

• როდესაც ბლოგს ერთი და ორი კომენტარი აქვს, იმას ალბათ ჰკიდია, რას უკომენტარებენ, ბევრი ბლოგსპოტზე უცხოური სპამისგანაც კი არ ასუფთავებს ხოლმე კომენტარებს (თუმცა ალბათ არც ისე სასიამოვნოა, ბებიის გარდაცვალებაზე და ემოციებზე რომ პოსტავ, ამ დროს შემოდის ვინმე და  წერს: “ანალ სექს ტოიზ! ქამ სი მაი ბლოგ!” XD ). მოკლედ, ბლოგსპოტის წევრებს განსაკუთრებით ეხებათ (ვორდპრესს კარგი სპამ-კონტროლი აქვს აკისმეტის სახით) – ხშირად წაშალეთ ხოლმე სპამი კომენტებიდან.
• ვორდპრესის კარგი სპამ-კონტროლი ხანდახან “ჭამს” არასპამ კომენტარებსაც (განსაკუთრებით თუ რამდენიმე ლინკია მითითებული, ან თუ კომენტარი ძალიან გრძელია). ამიტომ აუცილებლად გადაამოწმეთ ხოლმე შიგადაშიგ სპამი.

• ბლოგის ავტორები კიდევ “ოვერკილლ”-ით არიან ცნობილნი ხანდახან. ნახავ პოსტს, დახედავ, 10 კომენტარი აქვს. ვა ესე იგი რაღაც დისკუსია გამართულა. შედიხარ და 10-დან 7 კომენტარი ბლოგის ავტორისავეა – სულ 3 კომენტარს ცალ-ცალკე უპასუხა და თანაც – რამდენჯერმე.
  მე პირადად ვემხრობი შიგადაშიგ პასუხებს, ანუ რამდენიმე კომენტარის შემდეგ ერთ კომენტარს, რომელიც ზედა გამომსვლელებს მიმართავს, მაგალითად:

@მროველი

ხოო მართალი ხარ, მაგაზე არ დავფიქრდი.

@კიბორგა

შენ სულ როგორ უნდა წუწუნებდე ცოლზე? გემრიელ ბორშს რომ გიკეთებს, რატომ გავიწყდება?

@ნადეჟდა

დიაღ დიაღ, მაგ პრობლემას ცალკე პოსტს დავუთმობ აუცილებლად.

და ბოლოს, ძალიან, ძალიან მნიშვნელოვანი რამ:

Blogspot-ის ბინადრებო, გაუთიშეთ კომენტარებს word verification! რამდენჯერ კომენტარის სურვილი დამკარგვია ამის გამო.
თუ არ იცით როგორ უნდა გათიშვა, იხილეთ ტუტორიალი.

WordPress-ელებო, გათიშეთ კომენტარების წინასწარი მოდერაცია. არ არის არც ერთი ბლოგის კომენტარები ასე საგულდაგულოდ სამოდერაციო, ამ დაყოვნების დროის გამო კი კლავთ კომენტარებში დისკუსიის გამართვის შესაძლებლობას, და მოკლედ, სიცოცხლეს აკლებთ ბლოგს : )
თუ არ იცით როგორ უნდა გათიშვა: dashboard – settings – discussion – მოშალეთ წიჩკები (თოლიები : ) განყოფილებაში: Before a comment appears.

საინტერესო კომენტარებს გისურვებთ ; )

პ.ს: მადლობა ჩემს მკითხველებს, მათი კომენტარები უმეტეს შემთხვევაში პოსტზე უფრო საინტერესოა ხოლმე : )

შემდეგი პოსტი ამ კატეგორიაში იქნება ბლოგის პოპულარიზაციის შესახებ, Stay Tuned  XD

[სხვა პოსტი ამ კატეგორიაში: ბლოგი - დიზაინი. ]

FORUMIS DRO GAQVT TQVENI……
QLI VAR DA ME MQONDA IMIS SULI ROM IQ CAVSULIYAVI SABRDZOLVBELAD, TUNDAC CHEMI SHVILEBISTVIS, TUNDAC IMITOM ROM QARTVELI VAR? MERE RA ROM QALI VAR, 2 BICHI MEZRDEBA DA MINDA VAJKACOBA ME, QALMA, VASCAVLO. RA UNDA ASCAVLOT TQVEN TQVEN SHVILEBS CHATAOBA DA FORUMZE NASHEBIS GARCHEVA? FORUMI MOGENATRAT DEGENERATEBO?
DEGENERATEBI XART METI ARAFERI. ES FORUMIC AXLOBELMA GADMOMIGZAVNA “NAXE RA SIROBEBS CERENO”. GULMA AGAR MOMITMINA DA GCERT RISI GIRSEBIC XART, arcerti qartvelobis girsi ar xart, chaixedet gulshi, dedikoebis kalta amofarulebo, romels gaqvt jari gavlili! TQVENTVIS DAIXOCA AMDENI VAJKACI? FUI TQVEN QARTVELOBAS…..!!!!!!

რა სჭირს ამ ქვეყანას, ტოტალური ПМС-ია? :D

აქედან სადღაც 15-მდე – ვიცი ვინ არიან, კომენტარებს ტოვებენ და მეც მათ ბლოგებში ვზივარ სულ.

ჰოდა დანარჩენო მკითხველებო – რა დავწერო ისეთი, რომ ხმა აღიმაღლოთ? : ))