ბლოგონიუსი - ქართული ბლოგოსფეროს სიახლენი
(с) ფეხმოტეხილი ბლოგერი

დღეს ბლოგროლი გავწმინდე მკვდარი ბლოგებისგან და უამრავი ახალი, უფრო სწორად, საკმაოდ ძველი, მაგრამ მე რომ არ მქონდა ჩამატებული, ისეთი ბლოგი დავიმატე.

პირველ რიგში, მინდა დავწერო კარაგანდას ინიციატივაზე, მოუყაროს თავი ქართულ ბლოგებს, რომლებიც ეხება ხელოვნებას (Georgian Art Blogs). უკვე 40-მდე ბლოგია და თანდათან ემატება. დასათვალიერებლად დაკლიკეთ ბანერზე:

* * * * *

ერთი სასწაულად კარგი ახალი ბლოგი ვიპოვე. გენიალური იდეაა – ავტორმა გადაწყვიტა ააშენოს სახლი ონლაინ, დაიწყოს სახლის მშენებლობა და ყველაფერი ბაბიჯ-ნაბიჯ წეროს ბლოგზე:

ერთხელ მეგობრებთან ვთქვი და როგორც ყველა თემაზე, ამაზეც მაგარი კამათი ატყდა, აუ ძაან ძვირი ჯდებაო, ისაო, ესაო… მე ვამტკიცებდი არ ჯდება მაგდენი თქვენ რო ამბობთ მეთქი, ციფრები ითქვა მრავალი…. 300 000 ლარიდან 100 000 დოლარამდე, და პირიქით.

მე ვამტკიცებდი (ოღონდ რატო არ ვიცი, ჯერ არაფერი ამიშენებია…) ვამტკიცებდი რომ სამოთახიან ბინაზე ცოტა შეიძლება მეტი დაჯდეს თქო… [...]
ხოდა მერე გამიჩნდა იდეა, რო მთელი ეს პროცესი იყოს ,,საჯარო და გამჭვირვალე” (ოღონდ არცერთი ენჯეოშნიკი არ ვნახო აქ :))))).

ამისგან შთაგონებულმა ქეთიმ კი განიზრახა, რომ მანაც გააკეთოს კეთილი და საინტერესო საქმე და “დაბეჭდოს წიგნი ონლაინ”:

ვიქნები პირველი, ვინც ონლაინ “დაბეჭდავს” წიგნს. ანუ: აღვწერ ყველა წვრილმანს, რისი გათვალისწინებაც კრებულის გამოცემისთვის გავლილ გზაზე მომიწევს.

* * * * *

ქართული ფეხბურთისა და რაგბის მოყვარულთათვის ზვიგენა ქართული გუნდების თამაშების მიმოხილვას წერს ხოლმე, ვისაც დაგაინტერესებთ, იხილეთ: http://zvigena.wordpress.com/

* * * * *

კიდევ ერთი საკმაოდ საინტერესო ბლოგი სოციალურ ვებზე და ინტერნეტზე – უსათაურო ბლოგი.

სოციალური ვები ცვლის ტრადიციულ შეხედულებებს ადამიანთა ურთიერთობებზე, თვითდამკვიდრების საშუალებებზე და… მარკეტინგზე. დიახ, ზუსტად ამ უკანსკნელის ირგვილივ გვექნება საუბარი ამ ბლოგზე, მარკეტინგზე სოციალურ ვებში. მარკეტინგზე, როგორც კორპორატიულ ასევე ინდივიდუალურ დონეზე (ასე ვთქვათ Personal Branding-ზე). მიუხედავად იმისა, რომ ჩვენთან როგორც ინტერნეტი ასევე მარკეტინგი ცალკე აღებულნი ჩანასახოვან მდგომარეობაში არიან (არაფერს ვამბობ მათ შერწყმულ ვარიანტზე), ძალზედ მნიშვნელოვნად მიმაჩნია ინდივიდუალური თუ კორპოტული ინტერნეტ-მოღვაწეობის სწორი მიმართულებით წარმართვა/დაგეგმარება (ან მცდელობა მაინც).

* * * * *

მხოლოდ კონტენტი კი არა, ბლოგების დიზაინებიც იხვეწება. ჩემო ორი აბსოლუტური ფავორიტი ბლოგი დღეს დათვალიერებულებს შორის დიზაინის მხრივ: კიკიტო და კუდა. ტომუშკამ დიზაინის ცვლილებასთან ერთად (რომელსაც ასევე კომპლიმენტები, წინა საშინლად არ მომწონდა) ბლოგსპოტელთათვის თუთორიალიც დაწერა: როგორ შევცვალოთ ბლოგის თემფლეითი?

* * * * *

მოკლედ, მე მაგრად მომწონს, საითაც მიექანება ქართული ბლოგოსფერო!

აივერსონ

Fuck fuck fuck bitch bitch fuck bitch DIE DIE დღეს ისევ ჩამეძინა და ისევ გავაცდინე უნივერსიტეტი! დილის 8 საათამდე ლინიჯს ვთამაშობდი, მერე დავიძინე და ორ საათში ვერ გავიღვიძე! დედაჩემი შემოვიდა მერე და მკითხა, რატომ გეძინა ამდენ ხანსო. როგორ გაბედა!!! Fuck fuck fuck fuck gamanebet yvelam tavi!
ვეგეტარიანელი გავხდი. დღეს პილმენი შევჭამე, მაგრამ ეგ არ ითვლება, შიგნით ცოტა ხორცია, გინდ გიჭამია გინდ არა, არ ითვლება. მშიოდა და რა მექნა.

______________________________________________________________

საბუნია:

მე ამერიკაში ვარ და აქ ძალიან კარგი პონტია. საქართველოში მყოფო ხალხო, გაანძრიეთ ტრაკები და გეშველებათ რა, ნორმალური სახელმწიფო არ აშენდება სახლში თბილად ჯდომით და უსაქმურობით! უნდა ისწავლოთ და ქვეყანას რაიმე არგოთ! მე აგერ ამერიკაში წამოვედი და აქედან ყველაფერი კარგად ჩანს, თუ რა უნდა აკეთოთ თქვენ მანდ! მოიცა, ბურგერკინგს და სტარბაქსის ყავას ამოვიტან და გავაგრძელებ…

______________________________________________________________

სოფი:

რატომ არიან ადამიანები ასე ბოროტები, man? რატომ არ აიღებენ პასუხისმგებლობას საკუთარ ცხოვრებაზე?
რა მშვენიერია სამყარო. როგორც მეირ ლევინი იტყოდა, გაზაფხულზე ბუნება იღვიძებს.
გვიყვარდეს ერთმანეთი, man! ერთმანეთი, მზე და ვაშლები!

______________________________________________________________

პიკო:

აუ პიპლ დღეს დავწერ შიზოფრენიაზე რა. შიზოფრენია არის წიპა მაგარი ცუდი პონტი რა ბლიად. აი ფაინალი გუგლში დასერჩილი სურათებიც რა წიპა )))))))))))))))))))))))))))))))))))))

______________________________________________________________

თინი

გადავწყვიტე, რომ დავივიწყო ყვავა, დეპრესიიდან გამოვდივარ. პრინციპში, ყვავა უკვე მთლიანად მკიდია. დამავიწყდა კიდეც, ვინაა. ვინაა საერთოდ ყვავა? რა შუაში იყო ის ჩემს ცხოვრებასთან?
ჰო, გუშინ ფერადი კალგოტკების საყიდლად ვიყავი გვერდით მეტროსთან (ვარკეთილში ვცხოვრობ) და სრულიად მოულოდნელად მის სახლთან აღმოვჩნდი, დელისზე. და სრულიად სხვათაშორის, დავინახე. დღეს კიდევ მაგისი ძველი მეილები წავიკითხე. ახლა მობილური მიჭირავს და მის სმს-ებს ვკითხულობ… თან ვფიქრობ, რას ვგრძნობ მეთქი და – ვგრძნობ, რომ მკიდია! დღეს მთელი დღე იმაზე ვფიქრობდი, თუ როგორ არ ვფიქრობ მასზე და როგორ მკიდია!

______________________________________________________________

სვითი

მე ვარდისფერი და წარმატებული ვარ! მე ვარდისფერი და წარმატებული ვარ! მე ვარდისფერი და წარმატებული ვარ!
გუშინ ვიყიდე ვარდისფერი ქაღალდი. იხილეთ ამ ქაღალდის სურათები ყველა რაკურსში, დატკბით, დაათვალიერეთ, გშურდეთ, მე ხომ ასეთი წარმატებული ვარ! იდეალური ოჯახი მაქვს, კოტე იდეალურია – მე იდეალური ვარ, მე ვარდისფერი და წარმატებული ვარ!

______________________________________________________________

ტომუშკა:

დღეს დილით ჩაისთან მივირთვი ქლიავის ჯემიანი ბუტერბროდები. ჩემმა ქმარმა კი ვაშლისჯემიანი არჩია.

და თქვენ რომელი გირჩევნიათ? ქლიავის ჯემი თუ ვაშლის ჯემი?

______________________________________________________________

ლინგვისტუსი:

დღეს ვიჯექი მანქანაში და გზას ვუყურებდი. დავინახე კედელზე წარწერილი “მზე” და დავიწყე ფიქრი, საიდან მოვიდა ეს სიტყვა და საერთოდ რა კავშირშია ის მამაკაცის სასქესო ორგანოსთან. სახლში მისვლისთანავე არაბულ-სპარსულ-იაპონურ-ანდალუზიური ლექსიკონის ქექვა დავიწყე და ასო “ე”-ზე რომ გადავედი, ევრიკა! აღმოვაჩინე სიტყვა “ემზა”, რომელიც ანდალუზიურად ნიშნავს “გათენებას”. გათენება კი მზესთანაა კავშირში, მზის ამოსვლასთან, ასევე – დილის ერექციასთან! ყველა რგოლი გადაება ერთმანეთს, სიტყვა “მზე” და კედლებზე მისი მიწერა უწმაწურობის გამოსახატავად ჩვენი და ანდალუზიელების ხანგრძლივი კულტურული ურთიერთობის შედეგია.

______________________________________________________________

პოსტი არ არის განკუთვნილი მათთვის, ვისთვისაც ბლოგი უბრალოდ ვორდის ონლაინ-ვერსიაა და ვინც არ არის დაინტერესებული მკითხველის რაოდენობის გაზრდით.

რა არის ნებისმიერი ბლოგერის სტიმული?

მკითხველები და მათთან ურთიერთობა.

რა სჭირდება ქართველ ბლოგერს?

მეტი სტიმული – მეტი მკითხველები!

ქვემოთ გთავაზობთ ჩემ მიერ აპრობირებულ (ეუფ!) რამდენიმე მარტივ მეთოდს, თუ როგორ გამოვჩეკოთ მეტი მკითხველი ჩვენი ბლოგისთვის.

1. ქართული მთვლელი/კატალოგები

არსებობს რამდენიმე ქართული მთვლელი, top.ge, interes.ge და ა.შ. პირადად ჩემი რეკომენდაციაა Top.ge-ზე გაწევრიანება და მისი მთვლელის დადება ბლოგზე.

რატომ?

Top.ge ქართულ საიტებს შორის ერთ-ერთი ყველაზე პოპულარულია, ის წარმოადგენს ქართული საიტების ყველაზე სრულ კატალოგს. სტატისტიკას ჩავხედე და ბოლო 30 დღის მანძილზე 4 000-ზე მეტი კლიკია გაკეთებული ტოპ.გე-დან აქ.

აქვე გასათვალისწინებელია რამდენიმე ფაქტორი – კატეგორია, სადაც სვამთ ბლოგს. ძირითადად ბლოგერები შეყუჟულნი ვიყავით კატეგორიაში “Personal pages”, რადგან ბლოგების კატეგორია ცალკე არ არის. თუმცა ზოგი ბლოგერი შინაარსის მიხედვით უსადაგებს კატეგორიას -მაგალითად, კარაგანდა – ლოგიკურია, რომ ხელოვნების განყოფილებაში აქვს ბლოგი.

პირადად მე რამდენიმე დღის წინ გადავწყვიტე შემეცვალა კატეგორია, დიდხანს ვიფიქრე – “ინტერნეტი” ამერჩია, “ონლაინ ნაგავი” თუ “News, Television, Media, Newspapers” და ბოლოს ამ უკანასკნელზე შევჩერდი [ბლოგინგი ახალი მედიაა, ნიუსის ცნებაც საკმაოდ წელვადია]. კლიკების რაოდენობამ, რა თქმა უნდა, იკლო, რადგან “პირად გვერდებში” პირველი ადგილიდან უფრო მეტი ხალხი გადმოდის, ვიდრე “მედიის” მეორე გვერდიდან, თუმცა ჩემთვის ასე უფრო საინტერესოა ამ ეტაპზე.

2. იმეილი

იმეილს აქვს “ხელმოწერის” ადგილის ფუნქცია, სადაც ხშირ შემთხვევაში ჩვენი სახელი, გვარი, ტელეფონი და საკონტაქტო ინფორმაცია გვიწერია.

ურიგო არ იქნება, თუ აქვე მივაწერთ ჩვენი ბლოგის მისამართს. თუმცა აქ რამდენიმე ნიუანსია:

არიან ბლოგერები და ბლოგები, მაგალითად სოფი, თაზო – რომელთაც სავალდებულოდაც კი გავუხდიდი სიგნატურაში ბლოგის მისამართის ჩაწერას, იმიტომ, რომ მათი პროფესიიდან გამომდინარე – ბლოგი საუკეთესო სივი/პორტფოლიოა.

თუმცა ცოტა არაადეკვატური იქნება პირადი ბლოგის მისამართის ჩასმა იმეილზე, რომელსაც სამსახურეობრივი დანიშნულებით იყენებთ. ამ შემთხვევაში, თუ ორი მეილი გაქვთ – სამსახურის და “სერიოზული” და შედარებით პირადი – თამამად მიაწერეთ ბლოგი პირადის სიგნატურაში.

3. ფორუმები

ქართულმა ინტერნეტ-საზოგადოებამ აიდგა ფეხი მირკში, გადავიდა ფორუმებზე და ახლა აქტიურად იყენებს სოციალურ ქსელებს.

ალბათ ბევრი ჩვენგანია გაწევრიანებული ამა თუ იმ ფორუმზე. მიუთითეთ პროფილში [და სიგნატურაში] თქვენი ბლოგის მისამართი – ადამიანი, რომელსაც დააინტერესებს თქვენი ვინაობა და შეიჭყიტავს – გადმოვა თქვენს ბლოგზეც და შეიძლება ერთგულ მკითხველადაც დარჩეს [forum.ge-დან ბოლო 30 დღის მანძილზე დაახლოებით 500 კლიკია გაკეთებული].

[ბლოგერების თემა ფორუმ.გე-ზედ.]

4. სოციალური ქსელები, ტვიტერი და ძმანი მისნი

Facebook, odnoklassniki, myspace, face.ge და ა.შ. – თუ ხართ სადმე გაწევრიანებული, მიუთითეთ პროფილში თქვენი ბლოგის ლინკი.

ფეისბუქზე და ტვიტერზე არის საშუალება ახალი პოსტის დაანონსებისაც – მიუხედავად იმისა, რომ გუგლ რიდერშიც მყავს – ბევრ ბლოგებზე გადავდივარ ფეისბუქის ანონსიდან.

ფეისბუქზე არის ჯგუფი – “ქართველი ბლოგერები”, შემოგვიერთდით: – http://www.facebook.com/group.php?gid=87421438898

5. ის, რასაც გადააკოპირებენ

ინტერნეტი მაინც ინტერნეტია და ვერ ვაკონტროლებთ ჩვენ მიერ გაშვებული ინფორმაცია სად და როგორ მოხვდება, აქტიურად ვერ დავიცავთ ტექსტზე საკუთარ უფლებებს და ა.შ.

თუმცა არის შემთხვევები, როდესაც სხვის მიერ ჩვენი კონტენტის კოპირებამ შეიძლება პირიქით – ჩვენზე იმუშაოს.

თაზომ თავის ბლოგზე რამდენჯერმე გააშუქა მიმდინარე მიტინგები და აქციები, დადო თავისი აგდაღებული ბევრი საინტერესო სურათი – და სურათებს მიაწერა თავისი ბლოგის მისამართი.

სურათები იმის შემდეგ რამდენჯერმე შემხვდა ფორუმზე -  უამრავმა ადამიანმა უნებლიეთ “წაიკითხა” თაზოს ბლოგის მისამართი.

6. კომენტარები

ბლოგინგი არ არის მხოლოდ პოსტების წერა და მერე წყნარად ჯდომა – სანამ ვინმე დოდკა სრულიად შემთხვევით არ გიპოვის და არ დაწერს შენი ბლოგის შესახებ.

ბლოგებს ბლოგერები კითხულობენ – ამიტომ იმისათვის, რომ მკითხველი მოიპოვო, შენც უნდა იყო სხვისი მკითხველი.

ბლოგერი, ვისთანაც კარგ, შინაარსიან კომენტარს ტოვებთ – 100%-იან გარანტიას გაძლევთ, რომ აუცილებლად გადმოვა და შეამოწმებს თქვენს ბლოგს. თუ მოეწონა, რაც დახვდება – გაგლინკავთ, ურჩევს სხვებს და თავადვე გახდება თქვენი მკითხველი.

წაიკითხეთ უფრო მეტი  კომენტარების შესახებ.

ბონუსი I

იხილეთ ყვავასა და პიკოს ახალი ვიდეოპოსტი “ქართული ბლოგების” თემაზე, ამ სერიების ერთგვარი გაგრძელება, რომელიც არ შემეძლო, არ აღმენიშნა.

ბონუსი II

შაბათს, 2 მაისს, 5 საათზე ბლოგერები ვიკრიბებით შარაგულში (ალ. ყაზბეგის №42). ვისაც გსურთ – შეგიძლიათ შემოგვიერთდეთ ხინკლის ნთქმაში და ხინკალსა და ხინკალს შორის – ბლოგინგის შესახებ საუბრებში.

ძველი გემრიელი ტრადიციის მიხედვით, ვწერ ჩემ მიერ ახალაღმოჩენილ, ჩემი აზრით – საინტერესო, სახალისო და პერსპექტიულ ბლოგებს.

პირველ რიგში, ჩემი აღფრთოვანება და მუხლის მოდრეკა 7th Guest-ს, იგივე რეზო კაიშაურს.

რამდენი ხანია ამ ადამიანს ვიცნობ და აზრზე არ ვიყავი, რომ ასეთი მაგარი მხატვარი ყოფილა!

მათთვის, ვისაც უყვარს სურეალიზმი და უნამუსობამდე ნიჭიერი ადამიანები – დაათვალიერეთ მისი ბლოგი, სადაც დადებული აქვს ნახატები და ჰყვება, თუ როგორ იქმნებოდა ესა თუ ის ნაშრომი – ზოგჯერ ნაბიჯ-ნაბიჯ განვითარების ამსახველი სურათებითურთ…

[ბლოგი ინგლისურ ენაზეა]

სრულიად შემთხვევით აღმოვაჩინე “კოსმიური ჯვაროსნის ჩანაწერები”. ძალიან მომეწონა წერის სტილიც და ავტორის მიერ ნაფოტოშოპარი სურათებიც. სასწრაფო წესით გამოწერილ იქნა ჩემს ახალ გუგლ რიდერში.

გუგულში ასევე გადაინაცვლა “ეგოისტურმა ბლოგმა”.

გიზიარებთ ასევე ახალ ქართულ ბლოგებს სხვადასხვა ქვეყნებსა და კულტურაზე:

ჩემი ინდოეთი

იაპონია

სკანდინავია

სერიის მესამე და ჯერჯერობით ბოლო პოსტი  დაიპოსტება ხვალ და იქნება ქართული ბლოგოსფეროს ზოგადი მიმოხილვა-ლაყბობა, ასევე – რამდენიმე პრაქტიკული რჩევა ბლოგერებს.

სერიის პირველი პოსტისთვის გადავწყვიტე დამეწერა ჩემი საყვარელი რამდენიმე ქართული ბლოგის შესახებ.

ისე ამის გაკეთება 1 წლის წინ უფრო ადვილი იყო – ცოტა ბლოგი და კიდევ უფრო ცოტა – ღირებული, დღეს უკვე თითებზე ჩამოსათვლელები აღარ არიან ქართველი ბლოგერები. ავე!

ფაზანდა

ბლოგის შესახებ

ბლოგის ავტორი საბუნიაა, ჩემთვის ძალიან ახლობელი ადამიანი. წერს პოლიტიკაზე, სოციალურ პრობლემებზე, სტერეოტიპებზე და ამ ბოლო დროს ძალიან აქტიურად – გარემოს დაცვაზე. ძალიან მიყვარს მისი ბლოგი ბევრი მიზეზის გამო – ერთი ისაა, რომ ჩვენი აზრები ერთმანეთს ხშირ შემთხვევაში ემთხვევა, მეორე კი – გონებაში “ვადარებ” ხოლმე რამდენიმე წლის წინანდელ საბუნიას და ახლანდელს, ვხვდები როგორ გაიზარდა ამერიკაში ყოფნისას და გადააფასა ბევრი რამ.

რეკომენდებული პოსტი ბლოგიდან

ჩანთა გადმომიგდე, რა!

CheshireCat

ბლოგის შესახებ

თვითონ ხშირად უწოდებს საკუთარ ბლოგს “პირადს”, მე უბრალოდ მგონია, რომ ამით უბრალოდ თავს იცავს სხვებისგან – “პირადი ბლოგია და რასაც მინდა, იმას დავწერ”.  ჩემი აზრით, ბლოგი, როგორც ასეთი – ყველა “პირადია”, რადგან ადამიანის სუბიექტურ დამოკიდებულებას გამოხატავს ხშირ შემთხვევაში ამა თუ იმ საკითხისადმი. ნატოშა ფორუმ.გე-ზე ერთ-ერთი ყველაზე “მტკივნეული” განყოფილების მოდერატორია [ქალი და მამაკაცი], რის გამოც უამრავი მარაზმის ყურება-წაკითხვა უწევს და მერე ამისგან შთაგონებული გურჯულ მარაზმებზე პოსტებსაც აცხობს.

რეკომენდებული პოსტი ბლოგიდან

Vox Populi

Norteri

ბლოგის შესახებ: ბლოგის ავტორი – სოფი, ჟურნალისტიკის ფაკულტეტის სტუდენტი. ჩემი პირადი აზრით – აბსოლუტურად შეუსაბამოა მისთვის ჟურნალისტიკა, უნდა იჯდეს მთელი დღეები ჩაის ჭიქით და დღის პირველ ნახევარში წიგნებს კითხულობდეს, მეორე ნახევარში კიდევ – ნოველებს ან დილით წაკითხული წიგნების განხილვას წერდეს. პრინციპში რასაც აკეთებს კიდეც ბლოგზე – წაკითხული წიგნების განხილვა, საუბარი რელიგიაზე, თვითგანვითარებაზე და გაზრდაზე, საკუთარი თავის და სამყაროს სიყვარულზე.

რეკომენდებული პოსტი ბლოგიდან

ფარიკაობის ერთი გაკვეთილი

ყვავის ბუდე

ბლოგის შესახებ

“ბავშვმაც კი იცის, ვინ არის ყვავა”

ხო მართლა, ყვავა ყველას იცნობს და ყვავას ყველა იცნობს. მისი ბლოგი ერთ-ერთი ვეტერანი ქართული ბლოგია. ყვავასთან დაბეჭდილი ერთი-ორი სტატიისთვის შეიძლება ქართულ გამოცემებშიც მოგიკრავთ თვალი [ამ ბლოგისგან "გადაბეჭდილი" მასალისგან განსხვავებით, საბედნიეროდ - ეგ მაინც სრულიად ლეგიტიმურად და ჰონორარითურთ მოხდა :D ]

ბოლო პერიოდში ყვავამ თავზე აიღო ნოვატორის ფუნქცია და დაიწყო ვიდეობლოგინგი. პრინციპში, ნოვატორობა, ვფიქრობ, ჰკიდია – უფრო ბეჭდვა ეზარება…

რეკომენდებული პოსტი ბლოგიდან

თამაშები თუ ქალები?

= = = = =

ამ პოსტში აუცილებლად უნდა ყოფილიყო კიდევ ორი ბლოგი:

• Rocko.ge – როკოს რომ არ დაეკიდებინა მისი არსებობა [საერთოდ გათიშულია საიტი]

• და www.dgiuri.com - რომელსაც წლები ვადევნებდი თვალყურს და ახლაც ვადევნებ – უბრალოდ დვორსკი, სამწუხაროდ, უკვე ძალიან იშვიათად წერს, მხოლოდ სხვადასხვა სურათებს და ლინკებს პოსტავს :)

შემდეგ სერიაში [ხვალ] დავწერ რამდენიმე ახალი/ახალაღმოჩენილი ბლოგის შესახებ.